HESHIISKII ABEESADA IYO JIIRKA! SHEEKO!

HESHIISKII ABEESADA IYO JIIRKA! SHEEKO!

hada ka hor baa waxaa dab weyni ka kacay kayn weyn, ka dib xawayaankii ku nolaa kaynta ayaa naftoodii kala baxsaday, intii kala cararku socday ayaa waxaa dhankii loo cararayey waxaa isku arkay abeeso iyo Jiir ( Dooli) labadoodii oo midba dhiniciisa u haraadsan ayaa abeesadii baa aragtay jiirkii ka dib isagiina waa arkay ka dib aad buu u naxay jiirkii! abeesadii ayaa u gacan haatisay oo ku dhahday waxba ha iga cararin dhibaato ayaa ina wada  haysata adiga iyo nagabee amaan baad iga helaysaa, ee isoo dhawoow, jiirkii waa istaagay ka dib waxa uu ugu jawaabay MA FAHMIN waxaad dhahday! 

intay ku soo dhawaatay ayey waxay ku dhahday waxaan ku dhahay waad iga badbaadaysaa inta dhibtani ina haysato waliba waxaan rabaa inaan kaa dhigto saaxiib, kaliya waxaad asxaan igu samaysaa aad baan u oomanahaye biyo ii raadi, jiirkii haye waayahay isoo raac, ka dib  waa is raaceen ABEESADII iyo JIIRKII waxayna ugu dambayn gaareen guri jiirku kulahaa meel kaynta gubanaysa ka baxsan,  ka dib biyo ayuu u raadiyey muddo ka dib ayuu ku soo laabtay isagoo biyo u sida, biyihii markay cabtay ee ay oonbaxday ayaa waxay ku dhahday jiirkii hurdaa i haysa ee meel aan seexdo oo dagan ma leeyahay gurigaagu? Haa ayuu yidhi 

meel ay seexatana waa siiyey,  saacado ka dib ayey soo kacday waxayna ku dhahday waryaa i dhagayso! waxaan rabaa inaan aniga iyo adigu HESHIIIS KU WADA GALNO INAAN GURIGAN KU WADA NOOLAANO SI NABAD AH ! oo midkeena midka kale aanu ku xad gudbin!  jiirkii talo waa ku cadaatay oo wax uu sameeyo garan la'yahay isagoo heshiiska ka meer meeraya ayuu HAA iska yidhi! Ileen wadiiqo kale uma furnee.  

mudo ka dib markii heshiiskii dhacay abeesadiina gurigii isku hubsatay ayuu jiirkii waxa uu ku dhahay ABEESADII waxaan rabaa inaan wax aynu cuno banaanka inoogu raadiyo,  haye waayahay ayey dhahday laakiin ha soo daahin ayey ku dhahday!  ka dib jiirkii markuu afaafka (iridda) gurigiisa gaadhay ayuu intuu dib u soo fiiriyey ku yidhi NABAD GALIYO DIB KUGU SOO LAABANMAAYO ALLE HA KU BARAKEEYO GURIGAYGANA, NOLOSHAYDA AYAA KA MUHIIMSAN GURIGANE! waanuna isaga dhaqaaqay.

ABEESADII ayaa u dhawaaqday oo ku dhahday maxaad ka cabanaysaa weynuba isku cusubnahaye ma inagaaba gaadhnay wakhti aynu kala shakino, JIIRKII  Waxa uu ku jawaabay: “Kani waa heshiis dhex maray xoog badane iyo taag darane, ee ma aha heshiis! Wax awood ah oo aan ku diido ama aan ku yeelo ma lahayn, laakiin waxaan kugu aqbalay cabsi aan adiga kaa qabay! Noloshayduna wey kaa badbaaday hadda ee nabaday! 

XIKMADDA SHEEKADA KU JIRTA: 

Heshiisyada  qaar ee u dhaxeeya tabar yare iyo tabar weyne ma damaanad qaadayaan xuquuqda midka tabarta yar, ee  waa in aynu caqli badnaannaa sida jiirkaas oo kale, haddii aanu heshiisku ina ilaalinayn waa in aynu is ticmaalnaa hab kale oo Ina damanaad qaadi kara.

Ugu dambayn: Taariikhda inta la ogyahay ma dhicin heeshiis dhaxmaray tabar yare iyo tabar weyne oo guul laga gaadhay kolba midka xooga leh ayaa siduu doono ka yeelay Tusaalaha ugu fudud ee aynu ku fahmi karo FALASTIIN iyo YAHUUDA heshiisyada ay wada galeen  hadaan mid iyo laba ka xusno:

1.  Shirkii Nabadda ee Madrid 1991

2.  Ku dhawaaqida Heshiiska Mabaadi'da (Oslo 1993)

3. Axdiga Paris (Protocol) (1994)

4.Heshiiskii Gaza-Jericho 1994

5.Heshiiskii Taba (Oslo II) 1995

6. Hab-maamuuska Dib-u-dejinta (Hebron) 1997

intaas iyo ka badan oo heshiis oo dhacay wax ka fulay ma jiro mar kastana yuhuuda unbaa ka baxda.

inaga soomaaliya ahaan meeqa heshiis oo aan galnay inagoon awood u lahayn baan maanta u dulmanahay bay kulatahay?! midka ugu yar ee aan xasuusano waa 15 jirsaday waana soo galitaankii Ciidamada shisheeye AMISOM oo hadda loo badalay ATMIS mana filaayo inay bixi donaan 30 ka sano ee soo socota hadaan sidan wax laga badalin.

Xitaa Ururada Aduunka Ka Jira ee ay Ugu weyntahay: UN Cid gaar ah ayey u dhisanyihiin oo warkoodu Ka fulaa mana dhacdo arimhooda in la keeno Golayaashaas aan sheegnay maxaayeelay ninkii xoogweynbay xaajo u taas taa.

Hashi Nur Abdulkadir

DIGAAGADII QAADIGA QISO CAJIIB AH!

DIGAAGADII QAADIGA ( QISO CAJIIB AH) 

دجاجة القاضي!

FASAADKA GARSOOR XUMADA! 

--------------------------------------------------------------------------

Ninbaa maalin maalmaha ka mid ah waxa u soo galay Meel digaaga lagu iibiyo isagoo wata digaagada gawracan( Qalan)  oo uu rabay inuu meesha ku jarjarto, ninkii meesha lahaa ayuu u dhiibtay oo ku yidhi Digaagadan ii sii hay waxyar ka dib ayaan kugu soo laaban oo aan kaa qaadane. Wax yar markuu sii maqnaaba waxaa goobtii soo maray qaadigii magaalada , wuxuuna nin weydiiyey Digaagad mahaysaa? Nin meesha lahaa wuxuu ugu jawaabay maya Qaadi kaliya waxaan hayaa hal Digaagad oo waliba Gawracan oo nin  socota ahi mardhawey ii dhiibtay wax yar ka dibna uu qaadan rabo, Qaadigii ayaa nin ku yidhi iyada isii ninkii markuu ku imaadana waxaad ku dhahdaa wey duushay Digaagadaadii! haduu kula sii murmana aniga ii keen (yacnihii Qaadiga magaalada ayaan u tagaynaa si uu inoo  kala saaro ku dheh), adiguna haba isku dhibin arintaas aniga igudaa!  Waayahay ayuu ninkii yidhin, Qaadigii Digaagadii waa qaatay waanu ka tagay, ninkii lahaa Digaagada ayaa u imaaday ninkii, wuxuuna  ku yidhi Digaagadii isii? Wuxuuna ugu jawaabay Digaagadaadii wey duushay! Wuxuu ugu warceliyey  siday ku Duulikartaa Digaagada aan ku dhiibay iyadoo qalan ( la gawracay)! Miyaad waalantahay wax caqligu qaadan karo sheeg  Isla markiiba ninkii Goobta digaaga lahaa ayaa ku yidhi ina wadi waxaa ina kala saaridoona Qaadiga magaaladee! Haye waayahaye ina wadi ayuu yidhi !

Intii ay wadada ku sii jireen ayaa wadada waxay ku arkeen laba nin oo midna muslimyahay Midna Yahuudi yahay oo is Dagaalaya, wey ku leexdeen si ay u kala qabtaan, iyagoo kala qabanaya ayaa ninkii Goobta digaaga lagu iibiyo lahaa  ninkii Yahuudiga ahaa Isha farta ka galiyey ka dibna ishiibaa ka soo dhacday! Dadkii goobta ka ag dhawaa ayaa isku soo ururay(xoomay)  waxayna qabteen ninkii Goobta digaaga lagu iibiyo lahaa si ninkan uu Isha ka riday looga xaqo, ninkii hore , midkii dambe iyo dadkii meesha joogayba  waxay isu raaceen Qaadigii magaalada! Markay waxyar u sii jiraan goobtii maxkamadda ayaa ninkii labada kiis loo haystay isku dayey inuu baxsado! Wuuna baxsaday dadkii iyo ninkii Digaagadaada lahaa ayaa eryaday ( caydhsaday, bursaday) waxay eryadaanba Masaajid ayuu galay wey ka daba galeen minaaradii masaajidka ayuu fuulay wey ka daba fuuleen wuu ka soo dhacay! Wuxuuna ku duldhacay wadaada Da' ah oo minaaradda masaajika hoos fadhiyey! wadaadkii Da'da ahaa wuu dhintay wiil uu dhalay odaygii dhintay ayaa soobaxay wuxuuna magtii aabihii isana u qabsaday ninkii markii horebaDambiilaha ahaa! 

Hadda xaalku wuxuu marayaa sadex kiis oo loo haysto ninkaas waxaana la Isla soo aaday Qaadigii magaalada, Qaadigii marka la Isla soo gaadhay ayaa waxa uu arkay ninkii isaga ahaa ee ay arinta Isla ogaayeen wuuna qoslay! laakiin kama warqabo inuu ninkani sadex arimood oo kala dardaran ku eedaysanyahay! 

 1. Digaagadii

 2. Ishii uu ka diray ninkii yahuudiga ahaa iyo

 3. Dilkii ninkii Da'da ahaa 

Ka dib markuu ogaaday kiisaska ninka loo haysto ayuu madaxa qabsaday wuxuuna guda galay inuu fakaro, muddo ka dib ayuu guda galay inuu kiisaskii mid mid u dhagaysto, midkii ugu horeeyey ayuu weydiiyey Cabashadiisa wuxuuna u sheegay siduu wax u dhacay, 

DACWADII 1AAD: Qaadi cabashadaydu waxaytahay siday ku dhacaysaa inay Duusho Digaagad la gawracay! Qaadigii ayaa ninkii dacwada qabay ugu jawaabay:  ADIGU ALLAH SWT MA RUMAYSANTAHAY? Ninkii Haa Qaadi, QAADIGII MIYAADAN MAQLIN QAWLKA EEBE

 يحيي العظام وهي رميم

  ( EEBE waxa uu nooleeyee lafo iyagoo waliba caro noqday, boodh noqday ) istaag oo iska bax waxba kuma lihid ninkaane! 

DACWADII 2AAD: 

Ninkii Yuhuudiga ahaa ayaa isna sheegtay arintiisii in Ninki isha ka soo riday! QAADIGII: 

العين بالعين السن بالسن.

 Oo uu macnaheedutahay isha ilbaa mag u ah iligana iligbaa mag u ah,  laakin waxaan ku sheegayaa ninka Muslimka ah iyo midka aan muslimka ahayni  laakiin muslimiinta ku dhaxnool (ehlu dimiga ah) isku mag ma ahan sidaa darteed maadaama magtaadu isaga magtiisa badhkeed ay tahay ishiisu waxay u dhigantaa labadaada ilood marka waa in adiga hadda isha kalena lagaa ridaa ka dib isagana mid laga ridaa sidaa weeye Xukunkiinu hadii aad ku qanacsantahay Soo istaag! Askartiina Soo diyaar garooba Ayuu ku dhahay Qaadigii! NINKII intuu candhuuftiisii dib u liqay ayuu meeshii isaga cararay! 

DACWADII 3AAD:

 Waxaa isna loo yeedhay wiilkii uu dhalay odaygii Da'dada ahaa wuxuuna yidhi Mudane Qaadi Ninkani Aabahay oo Minaarada Masjidka hoos fadhiya ayuu ku soo dul dhacay sidaa ayuuna ku dhintay waxaan rabaa inaan Cadaalad helo qaadi! Qaadigii ayaa ugu jawaabay xukunkiinu ma cada si aan u cadeeyana waxaad tagaysaan isla meeshii aabahaa ku dhintay adiguna waxaad fadhiisanaysaa halkii aabahaa fadhiyey Ninkanina wuxuu fuulayaa Minaaradii uu ka soo dhacay! Ka dib wuu kugu soo duldhacayaa! Maxaayeelay in arintaas lagu dhiman karo iyo in kale ayaan ogaanaynaa!  ka dib ninkan Diyadii aabahaa Ayaa laga qaadaa! Wiilkii: qaadi hadaan dhintana? Taasi dhibaato ani ii taala ma ahan!  Adigay ku qusyasaa!   Wiilkii Ayaa intuu isku naxay  Qaadigii ugu jawaabay qaadi maya maya Waxba marabo kiiska Aabahay halkaas ku xidh waan iska baxayaa! 

Hadaba maxaytahay xikmadda ku jirta sheekadan?

Jawaabtu waxay tahay marka Cadaaladdu xumaato xuquuqduna wey dayacmaysaa halkaasna waxaa ka soo baxaya wax aan lamahadinayn! 

TURJUME: Hashi Nur Abdulkadir 

Xigasho: 

#توفيق_الحكيم 

 من مسرحية مجلس العدل

المسلمون الذين لا يهتمون السياسة يحكمهم سياسيون الذين لا يهتمون بالإسلام؟

 المسلمون الذين لا يهتمون السياسة يحكمهم سياسيون الذين لا يهتمون بالإسلام؟

Muslimiinta aan Danayn Siyaasada waxaa xukumidoona siyaasiyiin Aan danayn Islaamka(Diinta)   waxa uu inooga digaayey kuwa maanta ina haysta Ee Diin laawayaasha iyo Daba dhilifyada u badan 

الزعيم التركي الإسلامي نجم الدين اربكان رحمة الله 

Waxaad maqlaysaa Sheekh hebel Muxuu Siyaasada oga hadlay muu muxaarada iyo masaajidka ku ekaado! Waxay rabaan in Juhalada Casrigan ee maadiga ku koobay Aqoontoodii inay na xukumaan.

Miyaanay ka warqabin In AMBIYADII ALLAH SWT ummadaha u soo diray ay siyaasiyiin ahaayeen dadka Arimahooda Diimeed iyo Dunawiba u Hagaajiyaan,  sida uu inoo sheegay Suubanuhu SCW

وعن أَبي هريرةَ  قَالَ: قالَ رَسُول اللَّه ﷺ: 

كَانَت بَنُو إسرَائِيلَ تَسُوسُهُمُ الأَنْبياءُ، كُلَّما هَلَكَ نَبِيٌّ خَلَفَهُ نَبيٌّ، وَإنَّهُ لا نَبِيَّ بَعدي، وسَيَكُونُ بَعدي خُلَفَاءُ فَيَكثُرُونَ...) متفق عليه

Macnaha Xadiiska:  Reer Banuu Israa'iil waxay ahaayeen kuwa Siyaasadooda Ay Ambiyadii loo soo diray Ay maamulaan markii mid La Oofasadana Midka kale Ayaa Loo soo diraayey  Anigase Dabaday Nabi ma ahaan doono, ee Khulafo ayaa ahaan doonta Weyna Farabadnaandoonaan.... ) 

SIYAASIGA MAANTA: Maanta in badan oo dadkeena Ka mid ah hadii ay maqlaan qofkaas ama Hebal waa siyaasi Isla markaaba waxaa  maankooda ku Soo degdeyaaga KHAYAANO, BEEN IYO TUUGNIMO, siyaasi waa Tuug kalmadda ah ayaana Agteena caan Ka noqotay . Laakiin xaalku sidaa ma ahee inagaa qofba kii uu Ka liitay wax aanu ehel u ahayn qoorta u galinay, hadii Qofba kuu Ka fiicanahay aynu Wax u dhiiban lahayn xaalkeenu sidan ma ahaadeen waaqaceeninu wuu is badali lahaa runtii. 

Ugu badanbayn Sawirka hoose: Haddi SUURIYA xiisadi ka curato maalin maalmaha ka mid ah waxaad ogaataan in arintaasi aysan Suuriya ahayne Turkiga loo socdo!   1993 Ayuu hadalkaas sheegay!

Dadka kuwa ugu ildheerbaa Ugu Ayaan daran Bey murti Soomaaliyeed ahayd. ( Hees) 

Hashi Nur Abdulkadir

HAMBALYADA SHACAA'IRTA MUSLIMIINTA.

HAMBALYADA SHACAA'IRTA MUSLIMIINTA. 

Inta babadan Munaasabadaha Muslimiinta Sida Ciidaha,soonka iyo Xajka IWM waxaa dhacda inay Hambalyo ku aadan Shacaa'irtaas İslaamka Ay madaxda wadamo Aan İslaam ahayni Laakin shuacuubkooda Muslimiin ay ka midyihiin ay guud ahaan Muslimiinta Caalamka u diraan, Sidaa darteed waxaan mudnayd iyadoo laga Tixraacayo jidaydanta Sharciga ee gaadhsiin Dacwada İslaamka aduunkoo dhan Kalmada Xaqa ah Sidii Uu Sameeyey Suubanuhu boqortooyooyinkii Xiligiisii jiray in ay madaxda wadamada Islaamku İyaguna u diraan Warqado ay ugu yeedhayaan Hanuunka inay İyaguna Warqado. 

Dadka qaarbaa waxaa lagayaabaa inay dhahaan Dawlado kaa xoogbadan oo kaa hubadan sideed madaxdooda Warqad noocaas ah loogu tirikaraa, laakiin arinku intaas waa Ka weynyahay.

Hadii la sameeyo maxaa dhici kara? Sidii horayba u dhacday Waxaa dhici kara uun laba Arimood: 

1. İnay Cadhoodaan oo ay warqada jeexjeexaan sidaa uu sameeyey KISRAA BOQORKII FAARIX isagana Allah SWT boqortooyadiisii jeexjeexay.

2. İn Allah SWT hanuuniyo oo ay İslaamaan sidii BOQORKII CABASHIDA NAJAASHI iyo MUQAWQIS BOQORKII MASAR oo isagu jawaab Wanaagsan iyo hadiyado u soo diray Nabiga SCW Kana mid ahayd MAARIYA AL QIBDHIYAH oo u dhashay IBRAAHIM. İnuu islaamay iyo in kalana Culumada waa isku khilaafeen. 

Allah SWT wuxuu Rasuulkiisa Ku dhahay waxaad ku dhahdaa Ehlu Kitaabka( Yuhuud iyo Nasaara) 

قال الله جل وعلى:

قُلْ يَا أَهْلَ الْكِتَابِ تَعَالَوْا إِلَىٰ كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلَا نُشْرِكَ بِهِ شَيْئًا وَلَا يَتَّخِذَ بَعْضُنَا بَعْضًا أَرْبَابًا مِّن دُونِ اللَّهِ ۚ فَإِن تَوَلَّوْا فَقُولُوا اشْهَدُوا بِأَنَّا مُسْلِمُونَ (64)آل عمران

صدق الله العظيم.

U kaalaya Ehlu Kitaabaw Kalmad aan u simanahay anaga iyo idinkuba oo inoo dhaxaysa Taas oo ah inaynaan Allah SWT cibaadadiisa aynaan cid kale la wadaajinin, oo aydaan badhkiin badhka kale rabbiyaal Ka yeelanin allah Ka sakow, hadii ay ku diidaan yeedhitaanka kalmadaa Xaqa ah, Idunku u sheega in Aad Musliintihii oo aydaan Allah SWT kaligii Caabudaan una cibaadaysataan. 

Ma kulatahay inuu jiro maanta hogaamiye xambaarsan Fariintaas???? Bal hoos ku sheeg.

DAWALADI KAAMA DAMBAYN MADAXWEYNE!

DAWALADI KAAMA DAMBAYN MADAXWEYNE!

Ninbaa hadda Ka hor lagu yidhi war hebel MADAX FOOLXUMIDAA, markaasaa suu ku jawaabay  waxba igama galin foolxumidiisa ee INDHAHAAN KU WATAA! 

İn laga sheekeeyo sida Dawlad loo dhiso qofkasta oo Ciwaankaas soo diyaari la yidhaahdaa waa soo diyaari karaa waana Ka hadli karaa laakiin İn la Dhaqan galiyaa QOFKASTAAYI MA AWOODO. 

Qalooca Dawldnimada la raadinayo wuxu ka soo bilowday Carta burburkii Ka dib toosina mayso İnta Qaloocasi jiro, waana Riwaayad iyo madadaalo aan dhamaanayn Dawladnimada Soomaaliyeed ee la raadinayaa,

Lixdii maxadweyne ee burburkii  Ka dib soo maray wadanka  hal mid ah oo inuu Dawlad Somaaliyeed Dhiso daacad Ka ahaa Ma jiro marka dhamaantood fiiriso Dhaqankood qalbigoo Allah SWT baa oge,   danahooda iyo Dana shisheeyey Waxaan Ka ahayn maysan Qabanin. 

Meesha ugu yar ee aad Ka eegi karto lixdaa aan kor ku soo sheegay  mid kasta isaga iyo Ra'iisulwasaarihiisii ayaa Xukunka ku heshiin waayey Kuwa qaarkood 2 ilaa 3 Ayaa Soo martay mid kastaana wuxuu cuskadaa qodob Uu leeyahay Dastuurkaa i siiyey  ilaa iyo hadana waxba lagama qaban Qodobkaas Kuwa soo socdaana waa horyaalaa,  marka Saw ma ahan filim aan la rabin inuu dhamaad yeesho.

Sida xogaha qaarkood Ay sheegaana waxaaba jira wasiirkasta oo loo magacaabo Wasaarada lagu magacaabo DASTUURKA xitaa haduuba daacad noqdo oo waxbaan Ka qabanyidhaahdo waa la badalaa ama waaba la dilaa sida Dhawr wasiir ku dhacday xoosh jibriilba ha ugu dambeeyee, xukuumad kastana  mashruuca Lagu TUUGSADO Ayuu u noqday "DIB U EEGISTA DASTUURKU" waxbana lagama Qabto, ileen waa wax aan daacad laga ahayne. 

Ilowsho dhawaantu waa dhibka kaliya ee Ina haysta runtii hadaan Soomaalinahay!   Kolbi Kii u dambeeya  ayey leeyihiin WAA Tuug Shalay Xasan Sheekh Ayey lahayeen Waa Tuug marabna isbadalbaan rabnaa markuu Tagayna waxay kuleeyihiin DAWLADI KAAMA DAMBAYN, Maantana Farmaajo waa Tuug Barri markuu xilka Ka tagana waxay kuleeyihiin DAWLADI KAAMA DAMBAYN! Xasankii shalay DUUGA AHAA MAANTA WAA BOQOR.

 War intaan waxaas İska dayno Aafada qoloqlada inoo kala qaybisana aynu Ka tashano aynu Danaheena wax İska weydiino, Dantii moogi Mar Duug ah horteedbuu dhamaadaa bay Somaali horay ugu maahmaadaye.

Matalayaasha riwaayadahaas aan kor ku soo xusayna waa kuwa lagu sheego BEESHA CAALAMKA  oo hadda noqotayba meel lagu kala ashkatoodo xitaa laba haween ah daris ah haday is qoonsadaan waxaa u sahlan inay dhahaan BEESHA CAALAMKU ha na soo kala gaadho! .

Hashi Nur Abdulkadir 

15 ka hor maanta oo kale 30,12, 2006 Maalin ciid ah!

15 ka hor maanta oo kale 30,12, 2006 Maalin ciid ah! 

Maalmihii Qadaadhaa ee Mulminta Soo maray mid Ka mid ah, Marmarsiimadii Beenta ahayn Ee Maraykan İlaa hadda wey socotaa iyadoo Waliba ay jiraan Kuwa Caadaqaatayaal ah Oo Muslimta madax u ah.  NAXARIISLAAWAYAAL , FULAYAAL , DAMIIRLAAWAYAAL, DIINLAAWAYAAL, Dadkoodii, Dalkoodii iyo Diintoodiiba ku badashay DOOLLLAR Ka Maraykan ee Waliba Deynta ah. 

SADAAM XUSEEN qofkastaaba waxuu rabo ha Ku sheegee Waxa uu ku dhintat Isagoo rumaysan İnaanad Dhimanin laba jeer ee aad dhimato Hal mar oo sharafku jirto 

Allah SWT ha u Naxariisto isaga intii kale Gacanta Cadwga allah gacantooda KU dhimatay.

Hashi Nur Abdulkadir

30,12,2021

14 SANNO HALKAGALKII EE GUMESIGA AHAA! AMISOM TO ATMIS

14 sanno  OO aynu ku jirnay  Howhalka Guumeysiga  AMISOM  miyaa Caawana Guumeysi kale oo Magac Cusub leh u guurnay!

ATMIS (AU Transitional Mission to Somalia)

Afrika 1950-60 ayaa xorimo la siinbaa loo sheegay gumestihii intuu Albaabka Ka baxay ayuu daaqada Ka soo galay! Yacnihii xukunkii wuxuu u dhiibay KU midabkooda leh laakiin Maskaxdii gumeystaha ku shaqeeya. 

14 kalaa mise Ka badan mooji! Ma muuqato Somali İs Aamintaa oo Amnigooda lagu Aaminaa. Tusaale Waxaa kugu filan waxa Ka jira labada xafiis ee İska soo horjeeda ee ay kala ilaaliso AMISOM, iyagoo Si Guud Amnigooda Gacanta ugu haysa ayey haddana İyaga kala ilaalisaa Cajiib!!!!  İlaahay CEEBTIINA MA ASTURO war miyeyna Ceeb Ka baqayn.

Waligoodba magaca ha loo badalo  Soomaaliya rageedii wali uma dhalan.

Hashi Nur Abdulkadir

09,02,2022